دردشة الماسية الصوتية
|
|
|||||||
|
« آخـــر الــمــواضــيــع » |
 |
|
|
LinkBack | أدوات الموضوع | انواع عرض الموضوع |
16-11-2010, 12:47 PM
|
#1 | |||||||||
|
عضو شرف
 
|
حاب أشاركم بعض المواقف اللي سارت معايا :)
بسم الله الرحمن الرحيم
السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين خير بداية آيات من كتاب الله كريم يتلوها عليكم الشيخ ياسر الدوسري |
|||||||||
    
|
|
16-11-2010, 01:06 PM
|
#2 | |||||||||
|
عضو شرف
|
أبغا أحكيكم اليوم ايش سار معايا بالتفصيل
طبعا اليوم عيد الأضحى وأحنى أهل مكة أغلبيتنا نشتغل وهذا شي معروف اليوم عندنا شغله تبع أبحاث جامعه أم القرى من الساعه 6 - 10 الصباح أربعه ساعات طبعا ما صلينا صلاة العيد حركت أنا من البيت الساعه 5 تقريبا طبعا متأخر لأنو المشوار تقريبا في الأيام العادية 40 دقيقه والشغل مطلوب مني في نفق المشاه اللي عند المجازر في منى المهم رحت مسرع بسيارتي الحمد لله وصلت عند نفق المعيصم قبل نفق المشاه بخمسه كيلو تقريبا لقيت الشرطه مقفلين الطريق ما يدخلو الا الباصات والشرطه المهم وجالس استنى صاحبي اللي راح يشتغل معايا اتصلت عليه قال باقيلو 5 دقايق قلتله انتا صليت قال ايوا طبعا صلى اول ما اذن وفي قبل نقطة التفتيش اللي ممنوع الدخول منها مسجد صليت فيه واول ما خلصت جا صاحبي ركبته معايا في سيارتي وجينا بندخل رفضو نزلت وقلتله شوف معايا تصريح من وزارة الداخلية قال هذا التسريح يدخلك انتا اما سيارتك لا قلتله عندنا شغل الساعه 6 ولازم ندخل قال امشي زيك زي اي حاج قلتله يبغالي ساعه عشان اوصل قلي دحين اوقف لك نقل جماعي قلتله ياريت ووقفنا السياره وركبنا نقل جماعي كان فاضي المهم ومشينا وبعد شويا ركبو معانا حجاج من فلسيطن ههههههههههه يمكن 100 واحد انحشرنا الباص كان ببلاش تبع الحكومه ومشينا ونزلنا ورحنا النفق على أساس نحط الاجهزه اللي تقيس الكربون والضوضاء في وسط النفق ونقيس سرعة الرياح ونخرج برا اللي العسكر ملاقيف ايش هذا وايش هذا ههههههه المهم اختلصنا منهم وندخلنا وحطينا الأجهزه وقلنا نطلع برا احسن والمشكلة خايفين على الأجهزه لأنها غالية يمكن سعرها 50 ألف المهم خرجنا وكل شويا نطالع موجوده ولا لا بعد شويا جو عسكر عندها وجينا جري هههههههه ونزعق هي هي لمن وصلنا قالو حسبناها متفجرات المهم رجعنا واخر خمسه دقايق صاحبي يقول مهند مهند قلت نعم قال الاجهزه مي في ورجنا جري وجري لمن وصلنا اخر النفق لقيناها مع هنود ههههههههه ومسكناهم شويا ونضربهم قال انا شوف في رقم وانا اتصل المهم قلتله شكرا واللي معايا يبغا يضربهم ههههههههه المهم مشينا هذا الكلام الساعه 10 خلص شغلنا قفلنا الأجهزه ورحنا بنركب نقل جماعي كلها فل وجاتنا مصرية تقولنا فين الجمرات ههههههههههه طبعا اوا ما كلمتني انا ما قدرت اطالع فيها من جمالها اكلمها وانا اطالع على جنب الا اللي معايا دخل في وجهها انتي فين تبغي ههههههه قلت القمرات قال الجمرات ولا القمرات وجللسو يضحكو المهم مسكته وجريته هههههههه قلتله حجاج حجاج بس ومشينا وركبنا مع دينة حقت عفش ووصلنا بـ 20 ريال كلنا المهم اول ما وصلنا من الطفش وضربت الشمس شغلت السياره ودعست وفحط واطالع قدامي الا صوت حادث قدامي بـ 50 متر واشوف الرجال اللي يطير في الجو واقول ياساتر واقرب واطالع الرجال ولا حركة لا إله إلا الله على طول أنقطع نفسه الله يرحمه ويابخته مات وهوا حاج هوا شقح أو نقز أو نط الرصيف وبيقطع السكه ولا شاف ولا طالع في السيارات وصدمته السياره اللي حزني وقطع قلبي مو الميت اللي صدمه والله أول مرة في حياتي أشوف إنسان يرتجف زيه والعسكري يهدي فيه وهوا يرتجف قلت لو انا مكانه ايش راح يسير الحمد لله والله مسكين راح يتهجول هجوله عمره ما شافها السنه اللي راحت واحد من حارتنا سار معاه نفس الموقف الله يرحم موتانا وموتا المسلمين ويفرج عن اللي صدمه ويهدي باله سامحوني طولت عليكم صدقوني جالس اكلمكم وانا ارتجف من الفجعه |
|||||||||
|
|
|
16-11-2010, 01:50 PM
|
#3 | |||||||||
|
عضو شرف
|
ياساتر ياساتر يا ساتر
من اول وأنا جالس أرددها كنت ابغا انام مواصل من امس ما نمت الا ساعتين من الفجعه طار النوم وقلبي يدق بسرعه هههههههههه |
|||||||||
|
|
|
16-11-2010, 05:10 PM
|
#4 | |||||||||
|
عضو شرف
|
الحمد لله نمت وسحبت على أم الفجعه ههههههههههههه
|
|||||||||
|
|
|
17-11-2010, 02:46 PM
|
#5 | |||||||||
|
عضو شرف
|
الله يبارك فيكم كلكم :)
واقولكم كل عام وانتو بخير وصحه وسلامه ينعاد عليكم بالصحه والعافيه والهنا والمسرات |
|||||||||
|
|
|
21-11-2010, 07:00 AM
|
#6 | |||||||||
|
عضو شرف
|
امس سارت معايا ثلاثة مواقف والسبب أتوقع اني عشان ما صليت العصر مع الجماعه وصليته متأخر شويا راحت عليا نومه مع اني كنت حاطط الجوال على المنبه وابويا ماصحي برضو وامي كانت برا البيت
الله يغفر لي ويسامحني وإن شاء الله ما تتكر أبد ما اقول الا إنا لله وإنا إليه راجعون وإن شاء الله تكون خير في خير :) راح اقولكم هيا ان شاء الله لاكن دحين ابغا انام وان شاء الله بعد ما أصحى يسير خير |
|||||||||
|
|
|
21-11-2010, 02:06 PM
|
#7 | |||||||||
|
عضو شرف
|
الموقف الأول
أول ما صحيت من النوم طبعا صليت على طول وأول ما خلصت باقي على المغرب تقريبا ربع ساعه وفتحت الاب توب الا امي يالله رايحيين جده قلت فين قالت بنزور ابو رايد ( رجال خالتي ) مسوي عملية في الشرايين الله يشفيه قلت طيب دحين اقوم بس دقيقه المهم اخذت دش ولبست ورحت صليت المغرب وخرجت لقيت ابويا شغل الكابرس قلتله نروح بسيارتي قال لا بالكابرس وأول ما ركبت امي وابويا جالسين يتكلمو بالقوة وانا جالس اركز معاهم وسامع امي تقول بسرعه زيني لا يروح قبلنا زيني كان دوبه ماشي والسياره كانت في الموقف حقها والعاده احط الرويس وامشي مافي شي ورايا هذا اليوم كان واقف ورايا جيب جارنا وحطيت الرويس وانا ماني مركز ابدا وما اصحى الا دبج وكانو العيال جالسين عند المسجد ويضحكو عليا شوفو الإحراج كيف بس وانزل اشوف السياره الحمد لله ما انعدمت كثير ان شاء الله اجيب لكم صورت الدقه |
|||||||||
|
|
|
21-11-2010, 05:23 PM
|
#8 | |||||||||
|
عضو شرف
|
هههههههههههههههههههههههههههههه
همس ايش اللي منتي فاهمته هع أول مرة شخص يقولي لهجتك حجازية بحته هع هههههههههههه لأني انا ماخذ من لهجة أهل القرى وماخذ من لهجة اهل مكة مشكل هع طيب برتجملك اللي اشوفه مو مفهوم ههههههههههه دش = إستمحام هع دج = يعني صوت السياره لمن صدمت هههههههههههههههه ايش في ثاني ؟ |
|||||||||
|
|
|
21-11-2010, 05:27 PM
|
#9 | |||||||||
|
عضو شرف
|
اليوم سرت مشرف إحم إحم :79:
اليوم يوافق 1431/12/15 هـ شكرا للي عينوني مشرف وشكرا للي باركولي وشكرا للي تابعوني وشكرا للكل :) الله يبارك فيكم جميعا ويعطيكم العافيه إنتضرو الموقف الثاني هع هع |
|||||||||
|
|
|
21-11-2010, 09:53 PM
|
#10 | |||||||||
|
عضو شرف
|
هذا الموقف الثاني :)
بعد ما سار الموقف الأول مشينا رايحين على جده اول ما مكست الخط بتصل على جاري بقوله اني دقيت سيارته اصلا سيارته ما سارت لها ولا شي الحمد لله بس من باب الذوق :) طبعا اول ما قلتله قلي فداك :) الله يسعده وانا اكلمه كنت ماشي تقريبا 150 الا سيارة قدامي وقفت وقوف تام وضربت فرامل بالقوووووة وكنت بصدم فيه وانا اكلم جوال الا امي تزعق انتا لا تسرع لا وكمان تكلم جوال ومن هذا الكلام وعشني اكلم جوال ومعايا امي وابويا شفعو له ولا كان جنبته واتفاهمت معاه كان سبب وقوفه شاف لفه ووقف وبيرجع رويس في نفس الشارع مدري ايش يحس فيه هع إنتضرو الموقف الثالث واللي زعلني اكثر شي |
|||||||||
|
|
|
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
الساعة الآن 06:58 PM
